Wizara ya Viwanda, Biashara na Uwekezaji

Waziri wa Viwanda, Biashara na Uwekezaji

Hon. Charles John Mwijage

Wasifu

KATIBU MKUU AKABIDHI SIMU KWA WAKUSANYA TAARIFA ZA MASOKO


Imewekwa: 06th January, 2017

Dodoma: Katibu Mkuu Wizara ya Viwanda, Biashara na Uwekezaji (WVBU) Prof. Adolf Mkenda amehitimisha mafunzo ya ukusanyaji wa taarifa za bei za mazao ya kilimo na bidhaa nyingine kwa kukabidhi simu za Mkononi Washiriki wa Mafunzo hayo kutoka mikoa mbalimbali Tanzania bara. Mafunzo hayo yaliyofanyika mkoani hapa kwa siku nne mfululizo na kuwashirikisha wakusanya taarifa wapatao 113 ngazi ya wilaya na mikoa. Katika Hotuba yake ya ufunguzi alieleza malengo ya Mafunzo hayo kuwa ni kuwajengea uwezo wa kufanya kazi kwa weledi zaidi kwa kuzingatia maendeleo ya kiteknologia na Habari kadiri mahitaji ya taarifa yanavyoongezeka . “mafunzo haya mnayopatiwa yanalenga kuwawezesha kukusanya na kutuma taarifa za masoko ya mazao ya Kilimo pamoja na bidhaa nyingine kwa wakati na usahihi Zaidi”. Alisisitiza kuwa taarifa sahihi zitasaidia wakulima,wafanyabiashara, watunga sera na Taasisi nyingine kufanya mamuzi ili kuleta mageuzi ya kiuchumi yatakayoongozwa na uchumi wa Viwanda. “Ni matumani yangu kuwa mtatumia weledi wenu na uzalendo kuwapatia wakulima, wasindikaji au wenye viwanda na walaji taarifa sahihi watakazozitumia katika kuendesha shughuli za kibiashara”. Aliongeza kuwa taarifa sahihi na kwa wakati utasaidia kuondoa utitiri wa madalali ambao hutumia mwanya wa ukosefu wa taarifa kuwanyonya wakulima kwa kutumia mbinu mbalimbali kama vile kwenda moja kwa moja kwa wakulima na kununua mazao kwa wakulima badala ya kusubiri mazao yafike sokoni. Mafunzo haya yaliandaliwa na Wizara ya Viwanda na Biashara kwa kupitia Mradi wa SECO UN TRADE, pamoja na Shirika la Umoja wa Mataifa la Chakula na Kilimo (FAO) .

Hatimiliki © wizara ya viwanda, biashara na uwekezaji 2017. Haki zote zimehifadhiwa.